អង់គ្លេសឡើងទៅជួបស៊ុយអែត ក្រោយទាត់ប៉េណាល់ទីឈ្នះកូឡុំប៊ី

កីឡាអន្តរជាតិ

អន្តរជាតិ

អង់គ្លេសឡើងទៅជួបស៊ុយអែត ក្រោយទាត់ប៉េណាល់ទីឈ្នះកូឡុំប៊ី

04, Jul 2018 , 4:16 am

រូបភាព

កីឡាករអង់គ្លេសអបអរជ័យជម្នះរបស់ខ្លួន។ រូបថត FIFA.COM

ដោយ: ថ្មីៗ

អង់គ្លេសទទួលបានកៅអីសម្រាប់ការប្រកួតវគ្គ៨ក្រុមចុងក្រោយនៃពានរង្វាន់ FIFA World Cup ជាមួយស៊ុយអែត បន្ទាប់ពីពួកគេបានឈ្នះកូឡុំប៊ីដោយការទាត់បាល់ប៉េណាល់ទី ៤-៣ ក្រោយជំនួប១២០នាទីបញ្ចប់ក្នុងលទ្ធផលស្មើ ១-១ ។

ចុចទីនេះដើម្បីទទួលបានព័ត៌មានរហ័ស

អត្ថបទទាក់ទង

World Cup៖ ស៊ុយអែតឡើងទៅវគ្គ១/៤ផ្តាច់ព្រ័ត្រ ក្រោយទម្លាក់ស្វីសក្នុងលទ្ធផល ១-០

សម្រាប់ជំនួបនៅកីឡដ្ឋាន Spartak Stadium គ្រាប់បាល់បញ្ចូលទីកើតឡើងនៅពេលការប្រកួតដំណើរការបានជាងមួយម៉ោង។ Harry Kane បានស៊ុតបាល់ប៉េណាល់ទីនាំមុខឲ្យអង់គ្លេសនៅនាទី៦៣ ប៉ុន្តែឈានដល់នាទីបន្ថែមទៅហើយ Yerry Mina បានតែតបាល់បញ្ចូលទីតាមស្មើវិញសម្រាប់កូឡុំប៊ី។ ការប្រកួតឈានដល់ការបន្ថែម១៥នាទីពីរដង ប៉ុន្តែនៅតែគ្មានគ្រាប់បាល់បញ្ចូលទីទៀតឡើយ។

ឈានដល់ការទាត់ប៉េណាល់ទី អង់គ្លេសឈ្នះក្នុងលទ្ធផល ៤-៣ ដែលសម្រេចបានដោយ Harry Kane, Marcus Rashford, Kieran Trippier និង Eric Dier ខណៈការទាត់របស់ Jordan Henderson ត្រូវរារាំងដោយ David Ospina។ ៣គ្រាប់របស់កូឡុំប៊ី ជាការសម្រេចរបស់ Radamel Falcao, Juan Cuadrado, Luis Muriel ប៉ុន្តែពីរគ្រាប់ចុងក្រោយទទួលនូវការខកចិត្ត ដោយការទាត់របស់ Mateus Uribe ខុសគោលដៅ ហើយអ្នកចាំទី Jordan Pickford រារាំងឱកាសរបស់ Carlos Bacca៕

Tag:

FIFA World Cup