អន្តរជាតិ
សន្តិភាពរដ្ឋវ័យក្មេងបំផុតស៊ូដង់ខាងត្បូងផ្តើមមានពន្លឺ ក្រោយអ្នកនយោបាយព្រមចែកអំណាចគ្នា
28, Jul 2018 , 8:39 pm
×![]()
ភាគីជម្លោះនៃសង្គ្រាមស៊ីវិលរបស់ស៊ូដង់ខាងត្បូង ដែលរាប់បញ្ចូលទាំងខាងរដ្ឋាភិបាល និងខាងបក្សប្រឆាំង បានសម្រេចចុះកិច្ចព្រមព្រៀងរួមគ្នាដើម្បីបែងចែកអំណាច និងលក្ខខណ្ឌសម្រាប់ការគ្រប់គ្រងប្រទេសជាថ្មី។ នេះជាឥរិយាបទទន់ភ្លន់រវាងអ្នកនយោបាយក្នុងការធ្វើសម្បទានអំណាចនៅក្នុងរដ្ឋក្មេងខ្ចីបំផុតលើពិភពលោកដើម្បីស្តារសន្តិភាពឡើងវិញ ក្រោយធ្វើសង្គ្រាមប្រឆាំងគ្នាជាច្រើនឆ្នាំហើយនោះ។
២៥ កក្កដា ២០១៨ គឺជាថ្ងៃប្រវត្តិសាស្ត្រមួយរបស់ប្រទេសស៊ូដង់ខាងត្បូង ដោយអ្នកនយោបាយ ដែលជាភាគីបញ្ឆេះសង្គ្រាមប្រឆាំងគ្នានោះបានសម្រេចចុះហត្ថលេខាផ្លូវការលើកិច្ចព្រមព្រៀងបែងចែកអំណាច និងអភិបាលកិច្ចរបស់ប្រទេស។ នេះបើយោងតាមការចុះផ្សាយរបស់ភ្នាក់ងារព័ត៌មានចិន Xinhua។
តាមកិច្ចព្រមព្រៀងដែលចុះហត្ថលេខាដោយភាគីជម្លោះស៊ូដង់ខាងត្បូង លោក Salva Kiir នឹងត្រូវបន្តកាន់អំណាចជាប្រធានាធិបតីស៊ូដង់ខាងត្បូងដដែលក្នុងអំឡុងពេលនៃអន្តរកាលនេះ ខណៈមេដឹកនាំបក្សប្រឆាំង គឺលោក Riek Machar នឹងត្រូវកាន់អំណាចជាអនុប្រធានាធិបតីទី១។ នេះបើយោងតាមប្រភពព័ត៌មានដដែល។
អ្វីគួរកត់សម្គាល់នោះ តាមកិច្ចព្រមព្រៀងនោះដែរ អនុប្រធានាធិបតី ត្រូវមាន៤រូប ខណៈសមាជិកគណៈរដ្ឋមន្ត្រី ដែលជាប្រភេទរដ្ឋាភិបាលចម្រុះ ត្រូវមានរដ្ឋមន្ត្រីរហូតដល់៣៥រូប មកពីខាងរដ្ឋាភិបាលផង និងខាងបក្សប្រឆាំងផង។
យ៉ាងណាក៏ដោយ នេះគឺជាតែចំណុចចាប់ផ្តើមនៃការបែងចែកអំណាចរបស់អ្នកនយោបាយនៃរដ្ឋវ័យក្មេង និងក្រីក្របំផុតរបស់ពិភពលោកនោះទេ ពោលគឺ ស្របនឹងការចែកអំណាចជាន់ខ្ពស់របស់រដ្ឋាភិបាល ភាគីពាក់ព័ន្ធ ក៏កំពុងតែបន្តចរចាគ្នាក្នុងការបែងចែកអំណាចគ្នានៅថ្នាក់តំបន់ ឬមូលដ្ឋានផងដែរ។
សូមរម្លឹកជាថ្មីផងដែរថា រយៈពេល៧ឆ្នាំមកហើយ ដែលស៊ូដង់ខាងត្បូង បានប្រកាសឯករាជ្យជាផ្លូវការ និងត្រូវបានទទួលស្គាល់ជារដ្ឋសមាជិកចុងក្រោយរបស់អង្គការសហប្រជាជាតិ។ ក៏ប៉ុន្តែប៉ុន្មានឆ្នាំមកនេះ រដ្ឋក្មេងខ្ចីបំផុតរបស់ពិភពលោកមួយនេះ នៅមិនទាន់អាចរកសុខសន្តិភាពជូនប្រជាជនខ្លួនបានឡើយ។
គិតចាប់ពីឆ្នាំ២០១៣មក ប្រទេសបានធ្លាក់ចូលក្នុងសង្គ្រាមស៊ីវិល ដោយសារតែភាពមិនត្រូវរូវគ្នារបស់អ្នកនយោបាយ ដែលមានម្ខាងជាប្រធានាធិបតីស៊ូដង់ខាងត្បូង លោក Salva Kiir និងម្ខាងទៀតជាអតីតអនុប្រធានាធិបតីរបស់លោក ដែលជាមេដឹកនាំបក្សប្រឆាំង។ ភាគីទាំងពីរ ដែលសុទ្ធតែមានអ្នកគាំទ្រដូចគ្នា បានប៉ះទង្គិចគ្នាទាំងផ្នែកប្រដាប់អាវុធ ដែលបានសម្លាប់ប្រជាជនស៊ីវិលរាប់ពាន់នាក់មកហើយ៕
២៥ កក្កដា ២០១៨ គឺជាថ្ងៃប្រវត្តិសាស្ត្រមួយរបស់ប្រទេសស៊ូដង់ខាងត្បូង ដោយអ្នកនយោបាយ ដែលជាភាគីបញ្ឆេះសង្គ្រាមប្រឆាំងគ្នានោះបានសម្រេចចុះហត្ថលេខាផ្លូវការលើកិច្ចព្រមព្រៀងបែងចែកអំណាច និងអភិបាលកិច្ចរបស់ប្រទេស។ នេះបើយោងតាមការចុះផ្សាយរបស់ភ្នាក់ងារព័ត៌មានចិន Xinhua។
តាមកិច្ចព្រមព្រៀងដែលចុះហត្ថលេខាដោយភាគីជម្លោះស៊ូដង់ខាងត្បូង លោក Salva Kiir នឹងត្រូវបន្តកាន់អំណាចជាប្រធានាធិបតីស៊ូដង់ខាងត្បូងដដែលក្នុងអំឡុងពេលនៃអន្តរកាលនេះ ខណៈមេដឹកនាំបក្សប្រឆាំង គឺលោក Riek Machar នឹងត្រូវកាន់អំណាចជាអនុប្រធានាធិបតីទី១។ នេះបើយោងតាមប្រភពព័ត៌មានដដែល។
អ្វីគួរកត់សម្គាល់នោះ តាមកិច្ចព្រមព្រៀងនោះដែរ អនុប្រធានាធិបតី ត្រូវមាន៤រូប ខណៈសមាជិកគណៈរដ្ឋមន្ត្រី ដែលជាប្រភេទរដ្ឋាភិបាលចម្រុះ ត្រូវមានរដ្ឋមន្ត្រីរហូតដល់៣៥រូប មកពីខាងរដ្ឋាភិបាលផង និងខាងបក្សប្រឆាំងផង។
យ៉ាងណាក៏ដោយ នេះគឺជាតែចំណុចចាប់ផ្តើមនៃការបែងចែកអំណាចរបស់អ្នកនយោបាយនៃរដ្ឋវ័យក្មេង និងក្រីក្របំផុតរបស់ពិភពលោកនោះទេ ពោលគឺ ស្របនឹងការចែកអំណាចជាន់ខ្ពស់របស់រដ្ឋាភិបាល ភាគីពាក់ព័ន្ធ ក៏កំពុងតែបន្តចរចាគ្នាក្នុងការបែងចែកអំណាចគ្នានៅថ្នាក់តំបន់ ឬមូលដ្ឋានផងដែរ។
សូមរម្លឹកជាថ្មីផងដែរថា រយៈពេល៧ឆ្នាំមកហើយ ដែលស៊ូដង់ខាងត្បូង បានប្រកាសឯករាជ្យជាផ្លូវការ និងត្រូវបានទទួលស្គាល់ជារដ្ឋសមាជិកចុងក្រោយរបស់អង្គការសហប្រជាជាតិ។ ក៏ប៉ុន្តែប៉ុន្មានឆ្នាំមកនេះ រដ្ឋក្មេងខ្ចីបំផុតរបស់ពិភពលោកមួយនេះ នៅមិនទាន់អាចរកសុខសន្តិភាពជូនប្រជាជនខ្លួនបានឡើយ។
គិតចាប់ពីឆ្នាំ២០១៣មក ប្រទេសបានធ្លាក់ចូលក្នុងសង្គ្រាមស៊ីវិល ដោយសារតែភាពមិនត្រូវរូវគ្នារបស់អ្នកនយោបាយ ដែលមានម្ខាងជាប្រធានាធិបតីស៊ូដង់ខាងត្បូង លោក Salva Kiir និងម្ខាងទៀតជាអតីតអនុប្រធានាធិបតីរបស់លោក ដែលជាមេដឹកនាំបក្សប្រឆាំង។ ភាគីទាំងពីរ ដែលសុទ្ធតែមានអ្នកគាំទ្រដូចគ្នា បានប៉ះទង្គិចគ្នាទាំងផ្នែកប្រដាប់អាវុធ ដែលបានសម្លាប់ប្រជាជនស៊ីវិលរាប់ពាន់នាក់មកហើយ៕
Tag:
ស៊ូដង់ខាងត្បូង
សន្តិភាព
© រក្សាសិទ្ធិដោយ thmeythmey.com
