អន្តរជាតិ
មេដឹកនាំកូឡុំប៊ី៖ របបដឹកនាំវេណេស៊ុយអេឡារបស់ម៉ាឌុយរ៉ូ នឹងដួលរលំឆាប់ៗ
01, Aug 2018 , 11:59 am
×![]()
ដោយ: ថ្មីៗ
ប្រធានាធិបតីផុតអាណត្តិកូឡុំប៊ីលោក Juan Manuel Santos បានថ្លែងថា លោក នីកូឡាស់ ម៉ាឌូរ៉ូ ប្រធានាធិបតីវេណេស៊ុយអេឡាដែលហ៊ុមព័ទ្ធដោយរឿងអាស្រូវនឹងអាចធ្លាក់ពីតំណែងនៅពេលអនាគត។ មេដឹកនាំកូឡុំប៊ីនេះអះអាងបែបនេះដោយលើកយកហេតុផលបញ្ហាអតិផរណាដែលនឹងអាចកើនឡើងដល់មួយលានភាគរយនោះ។
ក្នុងបទសម្ភាសន៍ជាមួយទីភ្នាក់ងារព័ត៌មាន AFP លោក Santos បានអះអាងលោកមើលឃើញរបបដឹកនាំលោក ម៉ាឌុយរ៉ូ ក្នុងគ្រោះថ្នាក់ព្រោះរបបនេះអសមត្ថភាពក្នុងការដោះស្រាយបញ្ហាប្រឈមចំពោះមុខជាពិសេសអាយុជីវិតប្រជាជន។ អតិផរណាកើនដល់មួយលានភាគរយដូចការព្យាកររបស់មូលនិធិរូបិយវត្ថុអន្តរជាតិនោះជាបញ្ហាធ្ងន់ធ្ងរបំផុត។
ប្រធានាធិបតីផុតអាណត្តិនេះនិយាយដូច្នេះ៖«ខ្ញុំអាចមើលឃើញថា វាកំពុងកើតឡើងនៅពេលពេលឆាប់នេះ។ ប្រទេសមួយដែលមានកម្រិតអតិផរណាដូចដែលវេណេស៊ុយអេឡាមាននោះ របបដឹកនាំត្រូវតែដួលរលំចៀសមិនរួច»។
លោក Santos ក៏យល់ឃើញផងដែរថា បញ្ហាធំគឺលោក ម៉ាឌុយរ៉ូ ព្យាយាមទាត់ចោលរាល់មតិរិះគន់ និងច្រានចោលរាល់ការអះអាងថា វេណេស៊ុយអេឡាកំពុងធ្លាក់ជ្រៅក្នុងវិបត្តិ។ លោក ម៉ាឌុយរ៉ូ កាលពីថ្មីៗនេះបានបដិសេធរបាយការណ៍ស្រាវជ្រាវដែលរកឃើញថា អត្រាភាពក្រីក្រនៅវេណេស៊ុយអេឡាកើនលើស ៦០ភាគរយនោះ ដោយលោកអះអាងថា អត្រាភាពក្រីក្រនៅតិចជាង១០ភាគរយប៉ុណ្ណោះ។
តាមពិតទៅទំនាក់ទំនងរវាងវេណេស៊ុយអេឡា និងកូឡុំប៊ីតានតឹងខ្លាំងដែរក្នុងរយៈពេលប៉ុន្មានឆ្នាំមកនេះ។ លោក ម៉ាឌុយរ៉ូ បានហៅកូឡុំប៊ីជាកូនជឹងរបស់ងាមេរិក ហើយលោក Santos វិញធ្លាប់វាយតម្លៃថា ការផ្លាស់ប្តូរបបអាចនឹងកើតឡើងនៅវេណេស៊ុយអេឡាមុនការបោះឆ្នោតប្រធានាធបតីខែឧសភា។ ប៉ុន្តែក្រោយមក លោក ម៉ាឌុយរ៉ូ ឈ្នះឆ្នោតជាថ្មីដោយគ្មានបក្សប្រឆាំងចូលរួមឡើយ។
យ៉ាងណាមិញ កូឡុំប៊ីប្រឈមបញ្ហាច្រើនដោយសារវិបត្តិសេដ្ឋកិច្ចនិងសង្គមនៅវេណេស៊ុយអេឡា។ ប្រជាជនវេណេស៊ុយអេឡារាប់ម៉ឺននាក់ភៀសខ្លួនចូលកូឡុំប៊ី ដោយសារពួកគេប្រឈមកង្វះខាតចំណីអាហារ និងថ្នាំសង្កូវ ក៏ដូចជាមិនអាចទទួលបានសេវាសាធារណៈព្រោះរដ្ឋាភិបាលរួមរឹតដោយសារវិបត្តិធ្ងន់ធ្ងរ។
ខណៈដែលវិបត្តិកាន់តែធ្ងន់ធ្ងរ លោក ម៉ាឌុយរ៉ូ បន្តទិតៀនក្រុមប្រឆាំង និងសហរដ្ឋអាមេរិកជុំវិញបញ្ហាដែលកំពុងកើតឡើងនៅក្នុងស្រុកនេះ។ មេដឹកនាំដែលមានប្រវត្តិធ្លាប់ធ្វើជាអ្នកបើកឡាននេះបានព្យាយាមយកការគំរាមកំហែងរបស់អាមេរិកក្នុងការឈ្លានពានវេណេស៊ុយអេឡា និងរំលំរបបដឹកនាំជាលេសដើម្បីការពារភាពស្របច្បាប់នៃរដ្ឋាភិបាលខ្លួនផងផង៕
ក្នុងបទសម្ភាសន៍ជាមួយទីភ្នាក់ងារព័ត៌មាន AFP លោក Santos បានអះអាងលោកមើលឃើញរបបដឹកនាំលោក ម៉ាឌុយរ៉ូ ក្នុងគ្រោះថ្នាក់ព្រោះរបបនេះអសមត្ថភាពក្នុងការដោះស្រាយបញ្ហាប្រឈមចំពោះមុខជាពិសេសអាយុជីវិតប្រជាជន។ អតិផរណាកើនដល់មួយលានភាគរយដូចការព្យាកររបស់មូលនិធិរូបិយវត្ថុអន្តរជាតិនោះជាបញ្ហាធ្ងន់ធ្ងរបំផុត។
ប្រធានាធិបតីផុតអាណត្តិនេះនិយាយដូច្នេះ៖«ខ្ញុំអាចមើលឃើញថា វាកំពុងកើតឡើងនៅពេលពេលឆាប់នេះ។ ប្រទេសមួយដែលមានកម្រិតអតិផរណាដូចដែលវេណេស៊ុយអេឡាមាននោះ របបដឹកនាំត្រូវតែដួលរលំចៀសមិនរួច»។
លោក Santos ក៏យល់ឃើញផងដែរថា បញ្ហាធំគឺលោក ម៉ាឌុយរ៉ូ ព្យាយាមទាត់ចោលរាល់មតិរិះគន់ និងច្រានចោលរាល់ការអះអាងថា វេណេស៊ុយអេឡាកំពុងធ្លាក់ជ្រៅក្នុងវិបត្តិ។ លោក ម៉ាឌុយរ៉ូ កាលពីថ្មីៗនេះបានបដិសេធរបាយការណ៍ស្រាវជ្រាវដែលរកឃើញថា អត្រាភាពក្រីក្រនៅវេណេស៊ុយអេឡាកើនលើស ៦០ភាគរយនោះ ដោយលោកអះអាងថា អត្រាភាពក្រីក្រនៅតិចជាង១០ភាគរយប៉ុណ្ណោះ។
តាមពិតទៅទំនាក់ទំនងរវាងវេណេស៊ុយអេឡា និងកូឡុំប៊ីតានតឹងខ្លាំងដែរក្នុងរយៈពេលប៉ុន្មានឆ្នាំមកនេះ។ លោក ម៉ាឌុយរ៉ូ បានហៅកូឡុំប៊ីជាកូនជឹងរបស់ងាមេរិក ហើយលោក Santos វិញធ្លាប់វាយតម្លៃថា ការផ្លាស់ប្តូរបបអាចនឹងកើតឡើងនៅវេណេស៊ុយអេឡាមុនការបោះឆ្នោតប្រធានាធបតីខែឧសភា។ ប៉ុន្តែក្រោយមក លោក ម៉ាឌុយរ៉ូ ឈ្នះឆ្នោតជាថ្មីដោយគ្មានបក្សប្រឆាំងចូលរួមឡើយ។
យ៉ាងណាមិញ កូឡុំប៊ីប្រឈមបញ្ហាច្រើនដោយសារវិបត្តិសេដ្ឋកិច្ចនិងសង្គមនៅវេណេស៊ុយអេឡា។ ប្រជាជនវេណេស៊ុយអេឡារាប់ម៉ឺននាក់ភៀសខ្លួនចូលកូឡុំប៊ី ដោយសារពួកគេប្រឈមកង្វះខាតចំណីអាហារ និងថ្នាំសង្កូវ ក៏ដូចជាមិនអាចទទួលបានសេវាសាធារណៈព្រោះរដ្ឋាភិបាលរួមរឹតដោយសារវិបត្តិធ្ងន់ធ្ងរ។
ខណៈដែលវិបត្តិកាន់តែធ្ងន់ធ្ងរ លោក ម៉ាឌុយរ៉ូ បន្តទិតៀនក្រុមប្រឆាំង និងសហរដ្ឋអាមេរិកជុំវិញបញ្ហាដែលកំពុងកើតឡើងនៅក្នុងស្រុកនេះ។ មេដឹកនាំដែលមានប្រវត្តិធ្លាប់ធ្វើជាអ្នកបើកឡាននេះបានព្យាយាមយកការគំរាមកំហែងរបស់អាមេរិកក្នុងការឈ្លានពានវេណេស៊ុយអេឡា និងរំលំរបបដឹកនាំជាលេសដើម្បីការពារភាពស្របច្បាប់នៃរដ្ឋាភិបាលខ្លួនផងផង៕
Tag:
នីកូឡាស់ ម៉ាឌុយរ៉ូ
កូឡុំប៊ី
Juan Manuel Santos
© រក្សាសិទ្ធិដោយ thmeythmey.com
