អេហ្ស៊ីបជាប្រទេសអាហ្វ្រិកដំបូង ដែលមានករណីស្លាប់ដោយសារ COVID-19

COVID-19

អន្តរជាតិ

អេហ្ស៊ីបជាប្រទេសអាហ្វ្រិកដំបូង ដែលមានករណីស្លាប់ដោយសារ COVID-19

09, Mar 2020 , 9:30 am

រូបភាព

រូបភាព៖ Facebook, អ្នកនាំក្រសួងសុខាភិបាលអេហ្ស៊ីប

ដោយ: ធៀន ភារិន្ទ

ក្រសួងសុខាភិបាលអេហ្ស៊ីប នាថ្ងៃទី៨ ខែមីនា បានប្រកាសពីករណីស្លាប់ដោយសារជំងឺរលាកសួត ដែលបង្កដោយ COVID-19 ចំនួន ១ករណីដំបូងនៅក្នុងប្រទេស ខណៈប្រទេសមួយនេះ រកឃើញអ្នកផ្ទុកកូរ៉ូណាវីរុសដល់ករណីទី ៥៥។

ចុចទីនេះដើម្បីទទួលបានព័ត៌មានរហ័ស

ជនជាតិអាល្លឺម៉ង់វ័យ ៦០ម្នាក់ ដែលបានចូលមកក្នុងទឹកដីអេហ្ស៊ីប នាថ្ងៃទី១ ខែមីនា ត្រូវបានគេរកឃើញថាមានផ្ទុកCOVID-19។ ក្នុងស្ថានភាពល្អបង្គួរ និងគ្រុដក្តៅ លោកត្រូវបានគេបញ្ជូនទៅមន្ទីរពេទ្យមួយកន្លែង ដើម្បីព្យាបាល។ ប៉ុន្តែរហូតដល់ថ្ងៃទី០៧ ខែមីនា បុរសវ័យ ៦០ឆ្នាំរូបនេះ ពិបាកដកដង្ហើមដោយសារជំងឺរលាកសួត។

ឈានចូលដល់ថ្ងៃទី៨ ខែមីនា ជនជាតិអាល្លឺម៉ង់រូបនេះ ត្រូវបានគេប្រកាសថា បានទទួលមរណភាពដោយសារ COVID-19។ ករណីស្លាប់នេះ គឺជាករណីដំបូងបំផុតរបស់អាហ្ស៊ីប និងនៅក្នុងទ្វីបអាហ្វ្រិកទាំងមូល។

សូមបញ្ជាក់ថា គិតត្រឹមពេលនេះ អេហ្ស៊ីបរកឃើញអ្នកផ្ទុកCOVID-19 ចំនួន ៥៥ករណី អ្នកស្លាប់ ១ករណី និងអ្នកជាសះស្បើយ ១ករណី៕

Tag:

អេហ្ស៊ីប

COVID-19