លោក អ៊ឹម សុខរិទ្ធី ប្រធាននាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ នៃអាជ្ញាធរជាតិអប្សរាពន្យល់បន្ថែមពីប្រភេទថ្មនៅតាមប្រាសាទយ៉ាងដូច្នេះថា ព្រះមហាក្សត្រខ្មែរដែលកសាងប្រាសាទ គឺបានគិតគូរវែងឆ្ងាយ និងមិនមែនចេះតែយកថ្មមកធ្វើនោះឡើយ។ លោកបន្ថែមថា ថ្មដែលធ្វើប្រាសាទ និងរូបចម្លាក់ ក៏ប្រភេទខុសគ្នា។ លោក សុខរិទ្ធី ពន្យល់៖« ចាស់បុរាណយើង មិនមែនយកថ្ម (ចេះតែយកៗមកទេ) ថ្មដែលយកមកធ្វើសំណង់ស្ថាបត្យកម្មខាងក្រៅជាប្រភេទថ្មធម្មតា ហើយថ្មទាំងនោះខុសពីថ្មដែលយកមកធ្វើព្រះ ថ្មធ្វើព្រះធ្វើរូបចម្លាក់ខុសពីថ្មប្រាសាទ ហើយបើក្នុងរាជ្យព្រះបាទជ័យវរ្ម័នទី៧វិញ គឺសម័យបាយ័នវិញ អាហ្នឹងកាន់តែណាស់ទៀត (មានច្បាប់ចែងថា) រាល់ចម្លាក់ទាំងអស់ធ្វើពីថ្មតែមួយមុខគត់ ទូទាំងចក្រភព»៕

 

សូមស្ដាប់ការលើកឡើងរបស់លោក អ៊ឹម សុខរិទ្ធី ក្នុងកម្មវិធីបណ្ដុះបណ្ដាលភ្នាក់ងារទេសចរណ៍នៅប្រាសាទអង្គរវត្ត នៅដើមខែ កញ្ញា កន្លងទៅ