ពីនេះ ពីនោះ
សុខភាព
ជួយចែករំលែក! ចង់ឱ្យរបួសឆាប់ជាសះស្បើយ គួរធ្វើបែបណា?
04, Jan 2021 , 6:59 pm
×![]()
ដោយ: សារព័ត៌មានថ្មីៗ
ក្រៅពីប្រើទឹកអាល់កុល ឬថ្នាំសម្លាប់មេរោគដើម្បីលាបរបួស ហើយទុកចោលឱ្យវាជាខ្លួនឯងនោះ ថាតើធ្វើយ៉ាងណាទើបអាចជួយឱ្យរបួសឆាប់ជាសះស្បើយ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗមួយចំនួនដែលជួយពន្លឿនភាពជាសះស្បើយនៃរបួស ៖
១. ស្អំកម្ដៅ
ការស្អំកម្ដៅលើរបួសអាចជួយពន្លឿនភាពជាសះស្បើយបានគួរឱ្យកត់សម្គាល់។ នេះក៏ព្រោះតែសីតុណ្ហភាពក្ដៅឧណ្ហៗអាចជួយជម្រុញលំហូរឈាមកាន់តែច្រើនទៅមុខរបួសពន្លឿនការជួសជុលឡើងវិញនូវកោសិកាស្បែកដែលខូចខាត។ អ្នកអាចទុកឧបករណ៍ស្អំកម្ដៅលើតំបន់ស្បែកដែលរងរបួសសម្រាប់រយៈពេលប្រហែលពី ១៥ ទៅ ៣០ នាទី។ ទោះជាយ៉ាងណាត្រូវលាងសម្អាតមុខរបួសឱ្យស្អាតជាមុនសិន។
២. ប្រទាលកន្ទុយក្រពើ
អ្វីដែលអ្នកត្រូវធ្វើ គឺគ្រាន់តែប្រើប្រាស់ជែលប្រទាលកន្ទុយក្រពើសស្រស់លាបលើស្បែកដែលខូចខាត ឬរបួស។ វិធីនេះមិនត្រឹមតែជួយបំបាត់ការឈឺចាប់ប៉ុណ្ណោះទេ ប៉ុន្តែក៏ពន្លឿនភាពជះសះស្បើយផងដែរ។
៣. ទទួលទានអាហារឱ្យបានត្រឹមត្រូវ
គន្លឹះដ៏ងាយបំផុតមួយទៀតដើម្បីជួយរាងកាយបង្កើនសម្ថភាពពន្លឿនភាពជាសះស្បើយនៃរបួសនោះ គឺការជ្រើសរើសអាហារសម្រាប់ទទួលទានឱ្យបានត្រឹមត្រូវ។ ចូរបង្កើនការទទួលទានអាហារដែលមានផ្ទុកសម្បូរទៅដោយសារធាតុប្រឆាំងអុកស៊ីតកម្ម វីតាមីន និងជាតិរ៉ែដូចជាបន្លែបៃតង សាច់ ផ្លែក្រូច និងបន្លែពណ៌លឿង ព្រមទាំងផលិតផលអាហារផ្សំឡើងពីទឹកដោះគោជាដើម។
៤. តែផ្កា Chamomile
អ្វីដែលអ្នកត្រូវធ្វើ គឺគ្រាន់តែផ្សើមកញ្ចប់តែផ្កា Chamomile រួចលាបលើរបួសជាការស្រេច។ វិធីនេះក៏ជួយកម្ចាត់មេរោគបាក់តេរី ព្រមទាំងបន្ថយអាការៈហើមនិងឈឺចាប់នៃមុខរបួសផងដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
